Presidenti Thaçi: Rizgjedhja e Angela Merkel kancelare, lajm i mirë për të gjithë

15:09 | 14 Mars 2018
Arbresh.info

Presidenti i vendit Hashim Thaçi, përmes një postimi në profilin e tij në facabook ka përgëzuar rizgjedhjen e Angela Merkel si kancelare për herën e katërt shkruan arbresh.info.

Thaçi ka shkruar se rizgjedhja e saj është një lajm i mirë për të gjithë, sepse përfaqëson një lidership me vlerë për të cilin ka nevojë Gjermania dhe gjithë Evropa më shumë se kurdo tjetër.

Postimi i plotë i presidentit Thaçi:

“Jam i lumtur që kancelarja Angela Merkel është rizgjedhur për të katërtën herë nga Bundestagu. Rizgjedhja e saj është një lajm i mirë për të gjithë, sepse përfaqëson një lidership me vlerë për të cilin ka nevojë Gjermania dhe gjithë Evropa më shumë se kurdo tjetër. Kosova do të jetë gjithmonë një partnere e besueshme dhe e përkushtuar për të ardhmen e përbashkët evropiane. HTH”, ka shkruar ai në facebook./arbresh.info/